بصو يا جماعه طبعا لان احنا لسه جداد فى الحوار دا فانا كنت قريت موضوع كده عن الشفوى ولقيته كويس طبعا لان دول طالبه خبره يعنى امتحنوا شفوى قبل كده انا نقلت الكلام زى مالاخ الدكتور قايل بس على الله ان احنا نستفيد منها يارب ويعديها على خييييييير
ازاى تعدى امتحان الشفوى
طبعا امتحان الشفوى خطوه صعبه فى الامتحانات وبتعتمد على الحظ الى حد ما دا لو انت زى حالاتى من الناس اللى مذاكره نص نص وبينجحوا بدعاء الوالديننقره لعرض الصورة في صفحة مستقلة أما اذا كنت من المتفوقين او من اصحاب الواسطه فالموضوع ده مالكشى فيه .
* * فيه حاجات مهمه لازم نعرفها قبل ما ندخل امتحان الشفوى:-
1-الثقه بالنفس من اهم العوامل اللى تخلى الكتور يحس انك مذاكرنقره لعرض الصورة في صفحة مستقلة .يعنى مش تتهته ادام الدكتور وتقطع فى الكلام ويستحسن انك تقول دايما الاجابه فى صوره 1&2&3 وحتى لو مش عارف الاجابه جاوب سؤال تانى تكون مذاكره كويس وبمنتهى الثقه ولو الدكتور قالك :ايه ده يابنى مش هو ده السؤال .اتاسف منه واطلب اعاده السؤال .طبعا انت مش عارف الاجابه تقوم قايل مش متذكر مش فاكر وتحاول تبين انك بتعصر فى مخك &وكمان متحسسش الدكتور انك خايف منه جاوب السؤال بثقة وحسس الدكتور انه قاعد قدام اينشتين.نقره لعرض الصورة في صفحة مستقلةنقره لعرض الصورة في صفحة مستقلة
2-تجنب انك تقول للدكتور بكل الاطه انا مش مذاكر الجزء ده او اسالنى فى جزء الدكتور فلان اصلى مذاكره كويس اعتبر الصفر المتين هيشرف على طول.نقره لعرض الصورة في صفحة مستقلةنقره لعرض الصورة في صفحة مستقلة
3-أيضا من الحاجات المهمه انك متدخلش فى الاول فى امتحان الشفوى ياريت لو تستنى شوية عشان تعرف الدكتور بيسال فى ايه وعموما الاسئله بتكرر .وف نفس الوقت متدخلش متأخر علشان الدكتور ميلحقش يشوف مستوى الطلبة الدحيحة اللى يحسسوه ان مستوى الدفعة دى موس بالذات لو كان اكسترنال.
4-ايضا الطلبه اللى انت داخل معاهم تمتحن مهمين جدا مش تبقى مذاكر نص الماده وداخلى مع الاول عالدفعه او واحد بيجيب جيد جدا . نقى اتنين تلاته يكون مستواهم اقل منك وياحبذا لو فيهم واحد بواسطه عشان لو الدكتور حطله درجه كويسه هيدى للكل درجه كويسةوكمان يكون من أصحابك على أساس لو مجاوبتش سؤال ميقعدش يرفع ايده ويقول أجاوب انا.نقره لعرض الصورة في صفحة مستقلة
5-حاول لو انت سايب جزء مش مذاكره انك تقراه مجرد قرايه مره واحده عشان لو اتسالت فى الشفوى فيه تعرف تقول حاجه .نقره لعرض الصورة في صفحة مستقلةنقره لعرض الصورة في صفحة مستقلة
فيه بعض الطلبه اللى بيطلع من الامتحان مش حالل كويس او بمعنى ادق عاكك الدنيا لما يدخل الشفوى يعيط ويقول للدكتور ادينى درجه حلوة اصلى محلتش كويس ويفتكر انه كده هيصعب عالدكتور بالعكس الصفر المتين هيشرف على طول .
6- لو حالل وحش والدكتور قال :ايه اخبار الامتحان بدون تردد تقوله: ده سهل جدا والحمد لله حليت كويس اهى دى الامتحانات اللى بتفرق بين المتفوق والنص نص .
7-بعد الدكتور يقول لكم اتفضلوا امشوا متفضلش تبص عليه وهو بيكتب الدرجه وتروح يمين وشمال عشان تشوف الدرجه طبعا الدكتوربيتنرفز جدا وينقص من الدرجات .نقره لعرض الصورة في صفحة مستقلة
8- دايما الطلبه بيخافوا من الدكاتره الاكسترنال مع انهم غالبا بيبقوا افضل من دكاترة الكلية علشان دكتور الاكسترنال مش عارف ايه اتشرح بالضبط للطلبه فبيسأل من ورقة الامتحان علشان كده مهم جدا حل ورقة الامتحان كلها قبل دخول الشفوى.
9-
الابتسام ثم الابتسام في وجه الدكتور لان ده بيسيباثر طيب في نفس الدكتور وبيخليه ياخد عنك انطباعكويس والانطباعات الاولي تدوم .نقره لعرض الصورة في صفحة مستقلةنقره لعرض الصورة في صفحة مستقلة
10-
ركزفي الاسئله و حاول دايما انك تكون باصص للدكتور ومش مشغول عنه بحاجه تانيه يعني ما تقعدش تبص للورق اللي معاه او ورقة الدرجات او اي حاجه فيالاوضه ، حسس الدكتور انك مركز معاه .
11-
ما تسمعش لكلام الزملاء عن ان الدكتور ده صعب او اندرجاته مش كويسه ،ده بيخليك داخل خايف منه وممكن ياثر في نفسيتك ويخليك تنسي الاجابات ولما الدكتور يحس انك خايف منه ممكن يستعرض عضلاته عليك في الاسئله .
12-
دايما قبل الامتحان خليك مع نفسك وحاول تركز المعلومات اللي في دماغك ولو حاجه مش فاكرها بص عليها بصه سريعه ،وما تحاولش تسمع كلام الناس اللي حواليك عن ان الامتحان كان صعب وابعد تماما عن الناس اللي بتعيطنقره لعرض الصورة في صفحة مستقلةنقره لعرض الصورة في صفحة مستقلة
لان دول بيشتتوا التفكيروعادة في الآخر بيكونوا جايبين درجات كويسه.
13-
حذاري ثم حذاري من كلمة الدكتور ما شرحهاش بالتفصيلاو قال العناوين بس لان المفروض انك طالب جامعي يعنيتاخد العناوين وتشوف الماده العلميه في المكتبه ( ده رأي الدكاتره مش رأيي خالص ) لو مش عارف الاجابه حاول تزوغ من السؤال باي طريقه يعني تجاوب نص نص او تدخل الدكتورلموضوع تاني انت مذاكره من خلال اجابتك.
14-
اياك والمجادله ( المأوحه ) يعني لو قالك غلط خلاص يبقي غلط ما فيش داعي للفزلكة و لا دانا لسه قريها اوالدكتور قالهالنا كده ، الحاجات دي بتنرفز الدكتوروتخليه مش طايقك وده بينعكس طبعا علي الدرجه .
15-
احذر من ادراج عنواين او مواضيع في اجاباتك تجر بيها الدكتور لاسئله ما تعرفش تجاوب عليها يعني لوفيه جزء انت مش عارفه او مش مذاكره كويس اوعي تجيب سيرته من الاول علشان الدكتور ما يسألكش فيه.
16-
قبل الامتحان لازم تقرأ قرآن كتير وادعيه علشان ربنا يقف معاك وده بيزود ثقتك بنفسك.سورة طه :"رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي "
سورة يس:
"وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّافَأَغْشَيْنَاهُمْ فَهُمْ لاَ يُبْصِرُونَ
الإثنين ديسمبر 14, 2009 7:46 am
